ഒന്നിച്ചു കളിച്ചു വളര്‍ന്ന ഉമ്മര്‍കാക്ക - നിങ്ങള്‍

ഇന്നിപ്പം എന്നെ മറന്നതു് നന്നല്ലപ്പാ

ഏയെട്ടു വയസ്സിലു് നമ്മളു് മാവിന്‍ മൂട്ടീലു്

ഏഴുനില മാളികവച്ചു മണ്ണുകൂട്ടി

എല്ലാരും നോക്കിയിരിക്കണ നേരത്തന്നു് - എന്നെ

കല്യാണം ശെയ്ത കണക്കിനു് കൊണ്ടു വന്നു്

(ഒന്നിച്ചു)

 

വെള്ളാരം കല്ലു് പെറുക്കിക്കുറുമാ വച്ചു്

വെണ്മണലു് തെള്ളിയെടുത്തു് പുട്ടുവച്ചു്

വെള്ളയ്ക്കാ തല്ലിയരച്ചു് ചാറെടുത്തു

വെള്ളത്തിലൊഴിച്ചു കലക്കി ചായ ചേര്‍ത്തു

കടലാസു് തെറുത്തു് കൊളുത്തി ബീഡി തന്നു് - നിങ്ങള്‍

കടലില്‍ വല വീശാന്‍ പോണതു് നോക്കി നിന്നു്

(ഒന്നിച്ചു)

 

ഒരു നാളില്‍ പെറ്റുകിടക്കണം എന്നുരച്ചു് - നിങ്ങള്‍

ഉറുമാലു് പിണച്ചു് കയ്യും കാലും വച്ചു്

ഉമ്മായെ ബാപ്പാ തല്ലണ ജാഡ ചൊല്ലി - നിങ്ങളു്

അമ്മിഞ്ഞ മോനു് കൊടെന്നു് എന്നെത്തല്ലി

അടിപെട്ട നൊമ്പരമേറ്റു് ഞാന്‍ കരഞ്ഞു്

അതു കേട്ടു് ഉമ്മാ വന്നു പഴി പറഞ്ഞു്

പല നാളു് പറന്നു കടന്നു് നിങ്ങളിന്നു് - കൊച്ചു

പാത്തുമ്മേയറിയില്ലെന്ന കാലം വന്നു്

(ഒന്നിച്ചു)

 

 

 

Onnichu kalichu valarnna ummarkaakka ningal

innippam enne marannathu nannallappa

Eyettu vayassilu nammalu maavin moottilu

ezhunila maalika vechu mannu kootti

ellarum nokkiyirikkana nerathannu enne

kalyanam sheytha kanakkinu kondu vannu

(Onnichu..)

 

Vellaaram kallu perukkikkurumaa vechu

venmanalu thelliyeduthu puttu vechu

vellaykka thalliyarachu chaareduthu

vellathilozhichu kalakki chaaya cherthu

kadalaas theruthu koluthi beedi thannu ningal

kadalil vala veeshaan ponathu nokki ninn

(Onnichu..)

 

Oru naalil pettu kidakkanam ennurachu ningal

urumaalu pinachu kayyum kaalum vechu

ummaaye baappa thallana jada cholli ningalu

amminja monu kodennu ennethalli

adipetta nomparamettu njan karanju

athu kettu umma vannu pazhi paranju

pala naalu paranna kadannu ningalinnu kochu

paathumeyariyillenna kaalam vannu

(Onnichu..)