നീര്‍പ്പളുങ്കു മിഴിചിമ്മി

മഴ തോര്‍ന്ന നേരമിലമേലേ-

വിരല്‍ കോര്‍ത്തു നിന്നു വഴിയോരം

നനയാതെ നമ്മളിവിടെ....

രാവിലാരുമറിയാതെ...

ചിറകാര്‍ന്നു വന്ന നിനവല്ലേ

നോവുമാത്മദലമൊന്നില്‍

കുറിമാനമാവുമോ......

പടരുമതിഗൂഢനനവാലേ

മദഗന്ധമാര്‍ന്നു ഭൂമി

ഇളകിയതിലാടിയുറയാനായ്

ഇഴയുന്നിതെന്റെ സിരകള്‍

(നീര്‍പ്പളുങ്കു...)

 

പാതിരാവിതരുളുമീ

മഴയുടെ മൃദുപദതാളം

ദൂരെയാ തടശിലയില്‍

വന്നിടറിയ കടലലയായ്

പിന്‍നിലാവിനലയുമായ്‌

പിണയുമൊരനുപമ രാവില്‍

ഓരിതൾ തിരിയുമായിനി

പ്രിയ താരമേ പോരുമോ

ഞൊടിയിലതിലോലമുറവായി

ഒരു സ്വേദബിന്ദു നിന്നില്‍

വിരലുമറിയാതെയിഴപാകി

ഒരു ജീവതാളമുയിരില്‍

(നീര്‍പ്പളുങ്കു...)

 

ശാഖിയില്‍ പടരുമീ

ലതയുടെ നവമൊരു മൌനം

മൂടുമാതളിരിലകള്‍

വന്നഴകിതു പൊതിയുകയായ്...

നിന്‍ നിഴല്‍ തണലില്‍ ഞാന്‍

നിറയുമൊരുടലളവാകാം....

വേറിടാതെയനുയാത്രയായ്

പല ജന്മവും പോരുമോ....

സരസ്സിലൊരഗാധ ലയമായി

കുളിരോളമൊന്നുണര്‍ന്നു...

ഇരുഹൃദയമേകഗതിയായി

അതിലിന്നു മന്ദമൊഴുകീ.....

 

(നീര്‍പ്പളുങ്കു...)

 

 

 

 

Neerppalunkumizhi chimmi

mazha thornnaneramilamele

viral korthu ninnu vazhiyoram

nanayaathe nammalivide....

raavilaarumariyaathe...

chirakaarnnu vanna ninavalle

novumaathmadalamonnil

kurimaanamaavumo.....

padarumathigooda nanavaale

madagandhamaarnnu bhoomi

ilakiyathilaadiyurayaanaay

izhayunnithente sirakal.....

(neerppalunku...)

 

paathiraavitharulumee

mazhayude mridupada thaalam

dooreyaa thadashilayil

vannidariya kadalalayaay

pin nilaavinalayumaay

pinayumoranupama raavil

orithal thiriyumaayini

priya thaarame porumo....

njodiyilathilolamuravaayi

oru sweda bindu ninnil

viralumariyaatheyizha paaki

oru jeevathaalamuyiril.....

(neerppalunku...)

 

shaakhiyil padarumee

lathayude navamoru maunam

moodumaa thalirilakal

vannazhakithu pothiyukayaay...

nin nizhal thanalil njaan

nirayumorudalalavaakaam....

veridaatheyanuyaathrayaay

pala janmavum porumo....

sarassiloragaadha layamaayi

kulirolamonnunarnnu...

iruhridayameka gathiyaay

athilinnu mandamozhukee.....

 

(neerppalunku...)