பாட்டு பாடவா? பார்த்து பேசவா?
பாடம் சொல்லவா? பறந்து செல்லவா?
பால்நிலாவைப் போல வந்த பாவையல்லவா?
நானும் பாதை தேடி ஓடி வந்த காளையல்லவா? (பாட்டு)

மேக வண்ணம் போல மின்னும் ஆடையினாலே,
மலை மேனி எல்லாம் மூடுதம்மா நாணத்தினாலே! (மேக வண்ணம்)

பக்கமாக வந்த பின்னும் வெட்கமாகுமா?
இங்கே பார்வையோடு பார்வை சேர தூது வேண்டுமா? (பக்கமாக)

மாலை அல்லவா? நல்ல நேரமல்லவா?
இன்னும் வானம் பார்த்த பூமிபோல வாழலாகுமா? (பாட்டு)

அங்கமெல்லாம் தங்கமான மங்கையைப் போலே,
நதி அன்ன நடை போடுதம்மா பூமியின் மேலே! (அங்கமெல்லாம்)

கண்ணிறைந்த காதலனை காணவில்லையா?
இந்த காதலிக்கு தேன்நிலவில் ஆசை இல்லையா? (கண்ணிறைந்த)

காதல் தோன்றுமா? இன்னும் காலம் போகுமா?
இல்லை காத்துக் காத்து நின்றது தான் மீதமாகுமா? (பாட்டு)