ചങ്ങഴിമുത്തുമായ് കൂനിക്കൂനി

വിണ്ണിലെ മുത്തശ്ശി വരുന്നുണ്ടേ

കാറ്റിന്റെ കൈതട്ടി താഴെപ്പോയി

വെള്ളാരം മിനുങ്ങണ മഴമുത്ത്

കുന്നിന്മേലേ ഒന്നു വീണു

ചന്നം പിന്നം രണ്ടു വീണു

പിന്നെപ്പിന്നെ പെയ്തു പെരുത്തു

പെരുമഴ ഒരു പുഴയായ്

(ഒരു ചങ്ങഴിമുത്തുമായ്)

 

അക്കാണും ജാലം

ഏഴുനിറങ്ങളണിഞ്ഞ കവാടം

പൂപ്പാലം‌പോലെ ഇതു പീലിക്കാവടിയോ

ആകാശക്കാവില്‍ തൈപ്പൂയം കിട തരികിടമേളം

മിന്നാരക്കതിരലമേലേ മഴയുടെ മയിലാട്ടം

 

താളും തകരേം മൂമാസം

ചക്കേം മാങ്ങേം മൂമാസം

ചേനേം ചേമ്പും മൂമാസം

അങ്ങനേം പിന്നിങ്ങനേം മൂമാസം

(ഒരു ചങ്ങഴിമുത്തുമായ്)

 

പൂത്താങ്കിരി പാടി

കരിയില പാറ്റും കാറ്റില്‍ പാടി

തൈച്ചേമ്പിന്‍ താളില്‍ തുള്ളി കുറുമ്പന്‍

കരുമാടിപ്പാടം കൈനീട്ടി പുതുഞാറു നനയ്ക്കാന്‍

ചങ്ങാത്തം തേടിവരുന്നൊരു മഴയുടെ കളിയാട്ടം

 

ഉച്ചിക്കെട്ടിപ്പാറോതി

പന്ത്രണ്ടം ചുട്ടോടീ

എനിക്കൊരെണ്ണം തന്നോടീ

ഞാന്‍ ചുടുമ്പമിന്നാടീ

(ചങ്ങഴിമുത്തുമായ്)

 

 

 

 

Changazhi muthumai kooni kooni

vinnile muthassi varununde

kattinte kaithatti thazhe poyi

vellaram minungana mazha muthu..

kunnin mele onnu veenu..

channam pinnam randu veenu..

pinne pinne peythu peruthu

perumazha oru puzhayay

(Changazhi muthumai)

 

 

akkanum jaalam

ezhu nirangal aninja kavaadam

pooppalam pole

ithu peelikkavadiyo

aakashakkavil thaippooyam

ithu tharikida thalam

minnara kathira mele

mazhayude mayilattam

 

thaalum thakarem moomaasam

chakkem mangem moomaasam

chenem chembum moomaasam

anganem pinninganem moomaasam

(Changazhi muthumai)

 

poothankiri paadi

kariyila pattum kattil paadi

thaichembil thaalil

pullikkurumban

karumaadi padam kai neetti

puthu njaaru nanakkan

changatham thedi varunnoru

mazhayude chelaattam

 

uchikketti parothi

panthrandappam chuttodi

enikkorennam thannodi

njan chudumbom

innaadi

(Changazhi muthumai)