Story

Shiva and Keerai, who are known for kidnapping girls, are forced by a gangster to kidnap a politician's daughter due to a blunder committed by Keerai.

கும்பகோணத்தில் அமைதியாக, தெரிந்த / தெரியாதவர்களின் காதலுக்கு உதவும் வக்கீல் சிவாவாக, விஜய் சேதுபதி. அவரது அமைதியான அப்பாவாக கே.எஸ்.ரவிகுமார். வில்லன் ஹரீஷ் உத்தமனுக்கும் விஜய் சேதுபதிக்கும் ஒரு காதல் பிரச்னையில் வாய்க்கா தகராறு. ஹரீஷ் உத்தமனுக்கு ஏற்கனவே, இன்னொரு வில்லன் கபீர் துஹான் சிங்கோடு இன்னொரு வரப்புத் தகராறு.

ஒரு சின்ன டாஸ்மாக் சண்டையில், விஜய் சேதுபதிக்கு, ஹரீஷ் உத்தமனோடு மீண்டும் ஒரு வரப்பு தகராறு. ஆனால் அடுத்தநாள் அதிகாலையில் தங்கை திருமணம் இருப்பதால், ‘பிரச்னை வேண்டாம் நீ என்ன சொன்னாலும் செய்கிறேன்’ என்கிறார் விசே. ஹரீஷோ, ‘என் பரம வைரி கபீர் துஹான் சிங் திருமணம் செய்து கொள்ளப்போகும் பெண்ணை மதுரையிலிருந்து கடத்தி வா.. இல்லையென்றால் மண்டபத்தைச் சுற்றி இருக்கும் என் ஆட்கள் கல்யாணத்தில் புகுந்து கலாட்டா செய்வார்கள்’ என்று மிரட்டுகிறார். அந்தப் பெண்தான் லக்‌ஷ்மி மேனன். 

மதுரைக்குப் போய், அத்தாம் பெரிய அரசியல்வாதி பெண்ணான லக்‌ஷ்மி மேனனை தூக்கும் சிவா, சும்மா ஒரு செல்ஃபி எடுத்துக் கொண்டு விடலாம் என்று பார்த்தால் விடாது கருப்பாய் தொடர்கிறது தொல்லைகள். கடத்தியவர் நேரே கோவைக்கு வருகிறார். அங்கேதான் தாடி வில்லன் கபீர் இருக்கிறார். அங்கே லக்‌ஷ்மி மேனனை கைமாற்றி விட்டாரா.. இல்லை கை பிடித்தாரா என்பதை காதைச் சுற்றி மூக்கைத் தொட்டுச் சொல்லியிருக்கிறார்கள். இதுக்கு நடுவில் எமோஷன் குறைவாக இருக்கிறதென ஒரு ஃப்ளாஷ்பேக் வேறு.