പ്രവാചകന്മാരേ....

പ്രവാചകന്മാരേ പറയൂ പ്രഭാതമകലെയാണോ

പ്രപഞ്ച ശില്‍പ്പികളേ പറയൂ പ്രകാശമകലെയാണോ

ആദിയുഷഃസ്സിന്‍ ചുവന്ന മണ്ണില്‍ നിന്നായുഗ സംഗമങ്ങള്‍

ഇവിടെയുയര്‍ത്തിയ വിശ്വാസ ഗോപുരങ്ങള്‍ ഇടിഞ്ഞു വീഴുന്നൂ

കാറ്റില്‍ ഇടിഞ്ഞു വീഴുന്നൂ...

ഈ വഴിത്താരയില്‍ ആലംബമില്ലാതെ ഈശ്വരന്‍ നില്‍ക്കുന്നൂ...

ധര്‍മ്മ നീതികള്‍ താടി വളര്‍ത്തി

തപസ്സിരിക്കുന്നൂ തപസ്സിരിക്കുന്നൂ.... (പ്രവാചകന്മാരേ ....)

ഭാവി ചരിത്രം തിരുത്തിയെഴുതും ഭാരത യുദ്ധഭൂവില്‍

ഇടയന്‍ തെളിച്ചൊരു ചൈതന്യ ചക്രരഥം ഉടഞ്ഞു വീഴുന്നൂ

മണ്ണില്‍ തകര്‍ന്നു വീഴുന്നൂ...

ഈ കുരുക്ഷേത്രത്തില്‍ ആയുധമില്ലാതെ അര്‍ജ്ജുനന്‍ നില്‍ക്കുന്നൂ

തത്വ ശാസ്ത്രങ്ങള്‍ ഏതോ ചിതയില്‍

കത്തിയെരിയുന്നൂ.. കത്തിയെരിയുന്നൂ...... (പ്രവാചകന്മാരേ.....)

Pravaachakanmaare....

pravaachakanmaare parayoo prabhaathamakaleyaano

prapancha shilppikale parayoo prakaashamakaleyaano

aadiyushassin chuvanna mannil ninnaayuga sangamangal

ivideyuyarthiya vishwaasa gopurangal idinju veezhunnoo

kaattil idinju veezhunnoo..

ee vazhithaarayil aalambamillaathe eshwaran nilkkunnoo...

dharmma neethikal thaadi valarthi

thapassirikkunnoo thapassirikkunnoo..... (pravaachakanmaare....)

bhaavi charithram thiruthiyezhuthum bhaaratha yudha bhoovil

idayan thelichoru chaithannya chakra ratham udanju veezhunnoo

mannil thakarnnu veezhunnoo...

ee kurukshethrathil aayudhamillaathe arjunan nilkkunnoo

thathwa shaasthrangal etho chithayil

kathiyeriyunnu.. kathiyeriyunnoo...... (pravaachakanmaare.....)