പാലേറും നാടായ പാലേരീല്

പാടിപ്പതിഞ്ഞൊരു പാട്ടുണ്ടല്ലോ

പാലേരി മാണിക്യം പെണ്ണൊരുത്തി

പാതിരാ നീന്തിക്കടന്ന പാട്ട്

 

ആവളച്ചെറേലേ മീനിന്റൊപ്പം

നീന്തിത്തുടിച്ചു വളര്‍ന്ന പെണ്ണ്

കല്ലൂരെക്കാട്ടിലെ മാനിന്റൊപ്പം

തുള്ളിക്കളിച്ചു വളര്‍ന്ന പെണ്ണ്

 

കുഞ്ഞോറക്കുന്നിന്നടിവാരത്തില്‍

തുമ്പപ്പൂച്ചിരിയും നുണക്കുഴിയും

ആകാശച്ചന്ദ്രന്റെ വീട്ടില്‍നിന്ന്

സമ്മാനം കിട്ടിയ കണ്ണും മൂക്കും

കവടിമണിപോലെ പൊക്കിള്‍ക്കൊടി

പൂവിരിയുംപോലെ ചുണ്ടും പല്ലും

 

മാഞ്ചോട്ടില്‍ മകരത്തില്‍ കാറ്റുപോലെ

ഇലനുള്ളി പൂനുള്ളി നടന്ന പെണ്ണ്

ആ പെണ്ണിന്‍ പാട്ടില്‍ തളിര്‍ക്കും നെല്ലില്‍

ഓളെപ്പോലുള്ള കതിരു വിളയും

പാലേരി മാണിക്യം പെണ്ണൊരുത്തി

പാതിരാ നീന്തിക്കടന്ന പാട്ട്

 

 

 

paalerum naadaaya paaleriyil

paadippathinjoru paattundallo

paalerimaanikkyam pennoruthi

paathiraa neenthikkadanna paattu

 

aavalacherele meenintoppam

neenthithudichu valarnna pennu

kalloorekkaattile maanintoppam

thullikkalichu valarnna pennu

 

kunjorakkunnin adivaarathil

thumbappoochiriyum nunakkuzhiyum

aakaashachandrante veettilninnu

sammaanam kittiya kannum mookkum

kavadi mani pole pokkilkkodi

pooviriyumpole chundum pallum

 

maanchottil makarathil kaattupole

ilanulli poonulli nadanna pennu

aa pennin paattil thalirkkum nellil

oleppolulla kathiru viriyum

paaleri maanikyam pennoruthi

paathiraa neenthikkadanna paattu