Sunaa hai insaan ke duhkh dard kaa ilaaj milaa hai
Kyaa buraa hai agar ye afavaah udaa di jaae

Kisi ne sach hi kahaa hai
Kisi ne sach hi kahaa hai
Vo bhukh se maraa thaa
Futapaath pe padaa thaa
Chaadar uthaa ke dekhaa to pet pe likhaa thaa
Saare jahaa se achchhaa
Saare jahaa se achchhaa
Saare jahaa se achchhaa
Hindustaa hamaaraa
Hindustaa hamaaraa

Bhukh lage to chaand bhi roti nazar aataa hai
Bhukh lage to chaand bhi roti nazar aataa hai
Aage hai zamaanaa phir bhi bhukh pichhe pichhe
Saari duniyaa ki baate do rotiyo ke niche
Kisi ne sach hi kahaa

Maan patthar ubaalati rahi kadaahi me raat bhar
Bachche fareb khaa kar chataai par so gae
Chamade ki jhopadiyaa me aag lagi bhaiyaa
Barakhaa na bujhaae bujhaae rupaiyaa
Chamade ki jhopadiyaa me aag lagi bhaiyaa
Barakhaa na bujhaae bujhaae rupaiyaa
Kisi ne sach hi kahaa

Vo aadami nahi muqammal bayaa hai
Maathe pe usake chot kaa gaharaa nishaa hai
Ik din milaa thaa mujhako chithado me vo
Maine jo puchhaa naam kahaa hindustaan hai hindustaan hai

Chand log duniyaa me nasib leke aate hai
Baaki bas aate hai aur yu hi chale jaate hai
Jaane kab aate hai aur jaane kab jaate hai
Kisi ne sach hi kahaa

Ye basti un logo ki basti hai
Jahaa har garib ki hasti ek ek saans lene ko tarasati hai
In unchi imaarato me ghir gayaa aashiyaanaa meraa
Ye amir mere hisse kaa suraj bhi khaa gae
Bhukh lage to chaand bhi roti nazar aataa hai
Bhukh lage to chaand bhi roti nazar aataa hai
Aage hai zamaanaa phir bhi bhukh pichhe pichhe
Saari duniyaa ki baate, saari duniyaa ki baate
Saari duniyaa ki baate, do rotiyo ke niche

Kisi ne sach hi kahaa
Vo bhukh se maraa thaa
Futapaath pe padaa thaa
Chaadar uthaa ke dekhaa to pet pe likhaa thaa
Saare jahaa se achchhaa
Saare jahaa se achchhaa
Saare jahaa se achchhaa
Hindustaa hamaaraa
Hindustaa hamaaraa
Hindustaa hamaaraa
Kisi ne sach hi kahaa.